Rune Ramsvik er dagleg leiar i Sparebankstiftinga Etne. ARKIVFOTO
Vil ha omfordeling i Skakke-saka
Dagleg leiar Rune Ramsvik i Sparebankstiftinga Etne understrekar at stiftinga vil vurdera moglegheitene for ei gåve til Skakke, men prosessen er avhengig av fleire premiss og ei grundig behandling av Skatteetaten sitt svar.
Dagleg leiar Rune Ramsvik i Sparebankstiftinga Etne uttalar at det er vanskeleg for stiftinga å kommentera saka om at Etne kommune kan ta i mot ei gåve frå Sparebankstiftinga Etne utan skattemessige konsekvensar.
— Det er vanskeleg å kommentera dette når me ikkje har sett svaret som kommunen har fått frå Skatteetaten, seier han.
Ramsvik presiserer at styret i Sparebankstiftinga gjer eigne, sjølvstendige vurderingar, sidan det er styret som står ansvarlege for sine disposisjonar.
