Vil ha meir merksemd kring snøskredfare ved bygg- og anleggsplassar

– Vi kan ikkje endre fjella. Det vi må endre, er åtferda vår i skredterreng, seier snøskredekspert ved Norges Geotekniske Institutt (NGI) Christian Jaedicke i ei pressemelding.

Ifølgje Jaedicke er det mykje som går føre seg ved anlegga i fjella som er basert på erfaringar om at det har gått bra i mange år.

– Vi er vane med å vurdere skredfaren for permanente byggjetiltak, men i mange tilfelle er det ikkje nok merksemd om å inkludere bakkeriggar og andre faste installasjonar som drivstofflager og verkstad i bygge- og anleggsfasen, seier Jaedicke.