Kommuneoverlege Terje Kleiven meiner vaksinestatus hos innlagde på sjukehus med covid-virus, viser at det er ein formidabel helsegevinst å vaksinere seg.
Arkivfoto: Jon Edvardsen
— Viktig å fylgja smittereglane
Dette er den klare meldinga frå dei lokale kommuneoverlegane.
Talet på bekrefta smitta held seg stabilt i Etne og Vindafjord. Det betyr at 4 personar har testa positivt for Covid-19 i Etne kommune og 11 i Vindafjord. Mesteparten har fått smitten i seg under opphald utanom kommunegrensene, og berre dei tre siste tilfella i Vindafjord kan knytast til smitte innad i kommunen. I Etne reknar ein med at dei fire som har fått bekrefta smitte, er friske, men i Vindafjord heng fortsatt sjukdommen i kroppen ved fleire av smittetilfella.
— Fleire har hatt symptom lenge, og den første personen som blei bekrefta smitta er ennå ikkje frisk, opplyser kommuneoverlege Terje Kleiven i Vindafjord kommune.
