Ei kjent stemme: Vidar Eidhammer frå Skjold trivst godt som journalist i NRK. Med oppgåver i radio er det ingen som kjenner han igjen på gata.
Foto: Privat
Vidar Eidhammer frå Skjold fekk mediemålpris
Vidar Eidhammer har ei kjent røyst frå nyheitene i NRK P1, og fredag fekk han Alf Helleviks mediemålpris for 2022.
NRK-journalist Vidar Eidhammer er utflytta skjoldabu, og bur i dag i Oslo. Fredag blei han tildelt Alf Helleviks mediemålpris for 2022. Juryen skriv i grunngjevinga si at Eidhammer er ein dagleg nynorsk-garantist i NRK sine nyheitssendingar på radio, melder statskanalen.
– Vidar Eidhammer er eit viktig symbol for at det nynorske normaltalemålet skal leve i det offentlege rommet.
