Vi kan vere mange fleire menneske på jorda enn vi trur

Josias Láng-Ritter frå Aalto-universitet i Finland og kollegaene studerte data frå 307 store dam-prosjekt i 35 land. Dei samanlikna tala over folk som måtte flytte, med folketala for same område frå fem store globale befolkningsdatasett. Det skriv forskning.no.

I kvart einaste tilfelle var det offisielle folketalet i området mykje lågare enn talet på menneske som måtte flytte. Nokre stader var det nesten ei halvering.

Láng-Ritter og kollegaene trur dette kjem av at dei offisielle modellane systematisk undervurderer talet på innbyggjarar på landsbygda.