Verdi-vurdert til rundt 60 millionar etter brannen

For snart tre år sidan blei Vindafjordhallen lagt i ruin etter ein omfattande brann. Nå har brannskadeskjønnet lagt fram sin rapport over skadeomfanget og vurdert skaden til 58.150.000 kroner pluss meirverdiavgift.

Eit nytt tilsvarande bygg er berekna til 67.200.000 kroner pluss meirverdiavgift. Det betyr at skjønnet meiner ein del restverdiar kan nyttast. I brannskadeskjønnet er plan over betongdekke rekna som totalskadd.

Etasjeskiljar har hatt brannbelastning og påstøypen blir vurdert som totalskadd. Basseng er totalskadd. Det er berekna gjenverdi i deler av grunnarbeidet og deler av bygget sitt fundament, deler av betongkonstruksjonane som golv på grunn, vegger i kjellar, etasjeskiljar, botnleidningar. Dei øvrige tekniske anlegg er rekna som totalskadd.