Vegard (18) kåra til årets bilcrossutøvar
Etter ein fantastisk bilcross-sesong med flotte plasseringar og gullmedalje i Vestlandsmeisterskapet kan Vegard Owe frå Sandeid nå smykka seg med tittelen Årets bilcross utøvar.
Styret i Vestlandsmeisterskapet vel kvart år ut ein bilcrossførar som har utmerka seg i sporten. Denne gong var det 18-åringen frå Sandeid som blei kåra til årets bilcrossutøvar. Styret har lagt godt merke til innsatsen den unge føraren har lagt ned både på banen og i mekkeverkstaden og skriv på nettsida at Vegard alltid stiller med skikkeleg reiskap og haustar stort sett svært gode plasseringar. Det er også nemnt at han blei Vestlandmeister for andre gong i år.
— Eg er veldig nøgd med sesongen. Eg har fått vist meg fram på best mogleg måte og blei beste utøvar både i junior-og senior-klassen. Det var veldig stas, seier Vegard som har fått ein pokal som synleg bevis på utmerkinga.
Vidare satsing
