Varslar store nedbørsmengder

Meteorologisk institutt har sendt ut gult farevarsel for nedbør, flaumfare og fare for jord- og sørpeskred i Etne både tysdag og onsdag. Tysdag er det venta 25 millimeter, medan det onsdag kan koma opp mot 49 millimeter. Vindafjord ser ut til å få litt mindre nedbør enn nabokommunen. Ved målestasjonen i Vats i Vindafjord er det meldt 17 millimeter tysdag og 36 millimeter onsdag. Torsdag ser det ut til at regnet lettar noko både i Etne og Vindafjord, og fram mot helga er det venta ei blanding av regn og overskya, med ein liten solgløtt i mellom regnbyene.