Varmare klima gir fleire sommarfuglar

Fleire dagsommarfugl-artar har kome til dei nordiske landa dei siste 120 åra, viser forsking.

Talet på sommarfuglartar har auka med 64 prosent, frå 46 til 70 artar i snitt i ulike område. Forskarane meiner at eit varmare klima har gjort at stadig fleire artar søkjer seg nordover. Dei nye artane er synlege og dekorative bevis på høgare temperaturar.

– Vi er vitne til dramatiske endringar i naturen, seier forskaren Johanne Sunde ved Linné-universitetet i Kalmar i Sverige. Ho var med på studien, som er publisert i Nature, ifølgje forskning.no.