Diskusjonen går friskt mellom dei ferske 18-åringane som skal stemma for aller første gong. F.v.: Tomine Hundseid Dalberg, Madelen Frøland, Andrea Hundhammer Vågen, Gustav Stople og Johanne Rafdal Lauritsen.
Foto: Grethe Hopland Ravn
Vanskeleg å bestemma seg
Kalenderen på veggen røper at det ganske nøyaktig er ei veke igjen til sjølve valdagen, og for 18-åringane Johanne Rafdal Lauritsen, Andrea Hundhammer Vågen, Madelen Frøland, Tomine Hundseid Dalberg og Gustav Stople, blir dette første gong. Alle fem er elevar ved Ølen vidaregåande skule, og saman med 370 andre førstegongsveljarar i Etne og Vindafjord, skal dei måndag vera med å bestemma kven som skal styra i heimkommunen.
— Eg må innrømma eg synest det er litt vanskeleg, for dei fleste partia har gode argument når dei diskuterer politikk. Det er mykje viktige saker i partiprogramma og eg må ha eit par dagar til å tenkja på, før eg avgjer kva parti som får mi stemme, seier Gustav Stople frå Ølen.
Listekandidat
