Utolmodige på den smale vegen
Vikebygd ser positivt på ny aktivitet på Dommersnes industriområde, men fryktar at det vil gi endå større utfordringar på en smale Vikevegen. Skal industrieventyr bli vellukka, må det til utbetringar på vegen, meiner Gunn Vikingstad og Kjell Erik Gangstø.
Vingstad er leiar for Vikebygd grendeutval og Gangstø driv transportfirma med 18 vogntog i porteføljen.
Han har tatt initiativ overfor grendeutvalet som har spelt ballen over til Vindafjord kommune. Gangstø rettar søkjelyset mot strekninga frå industriområdet til brua ved krysset opp til Bjordal.
Vikevegen mellom Isvik og Vikebygd er fylkesveg, og vegeigar Rogaland fylkeskommune har så langt ikkje signalisert at det er aktuelt å gjere noko med vegen trass i lokale initiativ.
