Uroa over miljøkonsekvensane

I fleire år har Åsbø sanddrift i Etne tippa overskotsmassar på eit område på Fikse i Ølen utan å ha søkt Vindafjord kommune om løyve. Først i september i år blei det sendt inn søknad til kommunen om dispensasjon om godkjenning av deponiet der det i dag er fylt ut 6.700 kubikk med avgravingsmassar og overskotsmassar frå uttaket i nærleiken. Deponiet er planlagt avslutta når det er nådd 7.000 kubikk. Massane er tenkt brukt til planering for å tilretteleggje arealet til jordbruk.

Søkjar hevdar i søknaden at massane i deponiet består av morenemassar og jordmassar med restar av røter frå utgraving, i tillegg til knust veggrus. I søknaden heiter det vidare at tiltakshavar også er kjent med at det har vore deponert betongrestar med fiberarmering, og hevdar at alt dette er fjerna. Tiltakshavar har heller ikkje registrert vesentleg avrenning frå massane.

Sterkt kritiske