Ung kvinne frå Vindafjord dømt for råkøyring

Sjølv om kvinna viste til behov for førarkortet i jobbsamanheng, meinte retten at straffa måtte setjast av omsyn til trafikksikkerheita. Kvinna blei tatt for råkøyring i Vindafjord kommune i september i år, då ho blei målt til å ha køyrt i 129 km/t i ei 80-sone. Ho blei først observert i samband med ei forbikøyring, og deretter auka ho farten til over den tillatne grensa.

Erklærte seg straffskuldig

Politimeisteren i Sør-Vest politidistrikt tok ut sikting etter Vegtrafikkloven. Under rettssaka som gjekk i Haugaland og Sunnhordland tingrett, tilstod kvinna forholda utan atterhald. Ho forklarte at ho var klar over fartsgrensa og at ho hadde dårleg tid. Kvinna forklarte også at ho treng førarkortet i samband med jobb og pendling.