Vindafjordhallen brann ned i 2019. Harald Selsaas (innfelt, t.v), Torunn Blikra og Elisabeth Stople Gregersen er samde om at ein ny hall utan besøkande er uaktuelt.
ARKIVFOTO: JON EVARDSEN
— Uaktuelt med hall utan publikum
Tysdag blei det kjent at den nye Vindafjordhallen i ytste konsekvens berre kan ha ope til helsetenester, skulesymjing og idrett. Det skapar reaksjonar i Vats.
— Det må vere heilt uaktuelt med ein hall utan publikum. Det går ikkje ann og kan ikkje vere noko tema, seier Harald Selsaas, som har budd i Vats sidan 1990 og tidlegare vore styremedlem i Vindafjordhallen SA.
Får ikkje tene pengar
Under prosjektleiar for ny symjehall og bygdehus i Vats, Frode Eike, sin presentasjon til formannskapet tysdag, kom det fram at det nye bassenget berre kan få full momskompensasjon dersom det ikkje kjem inn for mykje billettinntekter. Han opplyste at det er budsjettert med cirka 30 millionar i moms. Beløpet vil bli delt mellom symjehallen, som kommunen skal drifte, og bygdehuset, som vil bli drifta privat.
