ILLUSTRASJONSFOTO: ØYSTEIN ELLINGSEN/STATENS VEGVESEN
Tysvær: Stansa bil med ulovleg ombygd eksosanlegg
Fleire sjåførar fekk ymse påpakningar då Statens Vegvesen kontrollerte lette køyretøy i Tysvær onsdag.
Statens vegvesen gjennomførte ein trafikkontroll retta mot lette køyretøy på Aksdal og Skjoldastraumen onsdag, mellom klokka 6.30 og 12.30.
Totalt 43 køyretøy vart kontrollerte. Tre av desse fekk bruksforbod grunna tekniske feil og manglar.
Under kontrollen vart det gjeve 13 pålegg om utbetring, hovudsakleg knytt til feil på lys. Ein bil hadde ulovleg ombygd eksosanlegg og må no visast for ny kontroll etter utbetring.
