Turpostkassar, men utan bøker
Ut på tur i Vindafjord er blitt eit fast innslag i sommarhalvåret, og har som føremål å lokka fest mogleg ut på tur i skog og fjell. Sist veke kom årets brosjyre dumpande ned i postkassane til alle vindafjordingar, og her er informasjon om ni ulike turmål i tillegg til seks tilrettelagte turar. Dersom ein går alle dei ni turane i perioden mellom 1. april og 31. oktober 2020 får ein også vera med i trekninga av eit gåvekort.
— I brosjyrane får innbyggjarane opplyst at ved kvart turmål vil dei finna ein postkasse og ei turbok dei kan skriva namnet sitt inni. Etter at desse brosjyrane gjekk i trykken, er det kome kontramelding frå sentrale styresmakter om at me ikkje får leggja ut bøker i postkassane likevel. Då har me i staden organisert det slik at me klistrar eit klistremerke med eit kodeord og ein TellTur-kode utanpå postkasane. Dermed treng ikkje turgåarane røra postkassen i det heile, seier Berit Hetland som er kultur- og idrettskonsulent i Vindafjord kommune.
Kodeord
