Trump: – Eg elskar Noreg

Spenninga har dei siste dagane bygd seg opp før møtet mellom Trump og statsminister Jonas Gahr Støre (Ap). Den amerikanske presidenten skrytte av Noreg, både som land, men også i dei litt meir seriøse spørsmåla.

Fleire analytikarar har påpeika at i den pågåande toll- og handelskrigen treng USA allierte. På spørsmål frå NTB om den amerikanske presidenten ser på Noreg som ein mogleg slik alliert, svarte Trump:

– Eg vil vere interessert i å vere ein alliert av Noreg. Vi er interesserte i å gjere dei beste handelsavtalane, og nordmenn er storarta forretningsfolk. De er ein smart nasjon, ein godt styrt nasjon, og de har vore det lenge, særleg no med denne leiarskapen.