To vindafjordingar til topps på pallen

Laurdag var det duka for finalerunde i Vestlandsmeisterskapet for bilcross og rallycross på Vikedal Motorbane. Det vart ein spennande finalerunde i Vestlandsmesterskapet sjølv om ikkje Vikedal-førarane hevda seg heilt i toppen samanlagt i mesterskapet. Dei gjorde det likevel svært godt i fleire klassar i løpet, heiter det i ei pressemelding frå NMK Vikedal.

Bilcross junior

I bilcross junior var Daniel B. Finnvik, Hebnes, den einaste med bakhjulstrekk i A-finalen med Volvo 245. I kamp med 4 bergenserar og ein egersundar tok han starten, men fleire av dei litt meir lettkjørte framhjulstrekkerane tok seg etter kvart forbi Finnvik. Han vart til slutt nr. 5, medan Lasse Aaberg, Bergen, gjekk til topps framfor Erling B. Tjelta, Egersund. Ingrid Dybvik Jensen, Torvastad, vart nr. 8 medan Vebjørn Hustoft, Skjold, vart nr. 10 i sitt tredje løp. Samanlagt i VM gjekk Nikolai Karlsen, Bergen, til topps etter 3. plass i finalerunden. Lasse Aaberg vart nr. 2 og Thomas Tofting nr. 3, begge frå NMK Bergen. Daniel B. Finnvik og Ingrid Dybvik Jensen vart nr. 10 og 11 som beste NMK Vikedal-førerar, men har berre kjørt rundane i Vikedal.