Heimetenesta med base på Vindafjordtunet var blant dei som blei råka av den 11 dagar langa feilen i mobilnettet i Vats.
Arkivfoto: Jon Edvardsen
Tilsett ved Vindafjordtunet har testa positivt på covid-19
Seint torsdag fekk kommunen stadfesta at éin tilsett ved Vindafjordtunet har testa positivt for covid-19.
— Personen har ikkje vore på jobb etter at vedkomande fekk symptom. Nærkontaktar – andre tilsette – blir nå sett i karantene og testa, og dei berørte bebuarane på Vindafjordtunet er i karantene og blir testa, melder Vindafjord kommune.
Det er 18 bebuarar og 13 tilsette ved Vindafjordtunet som er i karantene. At dei berørte bebuarane er i karantene inneber at den aktuelle avdelinga er stengt, og kan difor ikkje ta imot besøkande. Ein kan her gjere unntak i særskilde situasjonar, opplyser kommunen.
