Dette er stridens kjerne, byggearbeidet på OnarTun på Tysnes. Bildet er frå september 2016, eit lite år før det blei opna.Foto: Ole Skaten/TysnesBilde 1 av 3
Sturla Vik Vestly er advokaten til Skånevikstrand Maskinstasjon AS.
Dagleg leiar i Dommersnes og Larsen AS, Martin Larsen, meiner den overskridne byggetida skuldast stadige endringar undervegs.Arkivfoto
Juli 2017 stod det kombinerte bustad-og handelskomplekset OnarTun på Onarheim i Tysnes ferdig. Byggefirmaet Dommersnes og Larsen i Vikebygd stod for tømrararbeidet, i tillegg til ein del mindre arbeidsoppgåver knytt til flisarbeid og maling. Byggetida var planlagt å ta rundt eitt år med start i oktober 2015. Men først i juli 2017 kunne dørene opnast til det nye bygningskomplekset i øykommunen nord i Sunnhordland.
— Byggetida blei opp mot åtte månader lenger enn planlagt, seier dagleg leiar i Dommersnes og Larsen, Martin Larsen.
Selskapet krev nå rundt 7,5 millionar kroner frå byggherren Meidell AS for endringar undervegs som har ført til auka byggetid og meirkostnad.
