Vigdis Madssen står på Raudt si nominasjonsliste til fylkestingsvalet neste år.
ARKIVFOTO: TORSTEIN TYSVÆR NYMOEN
Til åtak på monstermastene
Hordaland Raudt er klare til å stoppa planane om monstermaster gjennom Kvinnherad, Etne, Vindafjord og Tysvær.
I ei samrøystes fråsegn frå årsmøtet, krev fylkeslaget at Statnett skrinlegg planane om kraftlinje i dagen og legg kablane i sjø, jord og fjell. — Planane øydelegg særs verdifull natur, og truar ei rekkje raudlista artar i området, seier Vigids Madssen i Raudt Etne, som også er med i det nystifta Forum for Sjø- og Jordkabel Teknologi.
— Alternative trasear i sjø, jord og fjell er både teknisk mogleg, sparer store naturinngrep, kan byggjast raskare og er langt meir berekraftig og samfunnsøkonomisk lønsame i det lange løp, seier ho.
