Supre skiforhold etter kraftig snøfall

Eit kraftig snøfall i helga og natt til måndag har skapt eit eldorado for skifolket i Etne og Vindafjord. Enkelte stader i Grannar-distriktet har det kome mellom 30 og 40 centimeter snø. Du treng med andre ord ikkje til fjells for å spenna fast skia.

For dei som vil ta seg ein kveldstur, er lysløypa mellom parkeringsplassen på Opheim i Ølen og Fjellstøl-anlegget i Sandeid rett stad. Friluftsrådet Vest melder i dag om fine forhold i Olalia-traktene.

— Vegar og parkeringsplassar er brøyta og løypemaskinen har køyrt nye spor til og frå Olalihytta og i lysløypa. Lysløypa er tent til kl. 23 i kveld, opplyser dagleg leiar i Friliftsrådet, Oddvin Øvernes.