Strøymde til då 1-meteren forsvann

Timinga kunne ikkje vore betre, når Bondemarknaden i Etne kunne invitere til fest tilfeldigvis same dag som dei nasjonale smittevern-restriksjonane vart oppheva.

Akkurat det skjedde jo formelt ikkje før klokka 16, men det var det ikkje alle som var så nøye med på ein dag som denne.

— Me må feire nokre få timar på forskot når vi er på eit arrangement som dette, for no er me jammen svoltne på treffe gamle kjente, smilte Solveig Lunde mens ho handla hos ein av dei om lag 60 utstillarane som hadde tatt turen til parkeringsplassen framfor Etne senter.