Stort sprik mellom partane i vassverksaka
Onsdag starta rettsaka der Van AS ved eigar og styreleiar Aage Vee gjekk til søksmål mot til saman 22 enkeltpersonar fordelt på 18 eigedomar i byggefeltet i Havn i Etne kommune, som får levert vatn frå vassverket eigd av saksøkar.
Sentralt i søksmålet mot abonnentane stod fastsetting av vederlag og krav om betaling av uteståande fordringar som saksøkar meiner å ha krav på, og kor mykje vassverkeigaren kan krevje i gebyr knytt til levering av vatn- og avløps tenester.
Kravet saksøkar rettar mot 18 av dei til saman 30 hus og hytteeigedomane varierer i storleik mellom 30.000 til over 120.000 for den enkelte. Advokat for saksøkjar, Simen K. Neraker, viste under innleiingsføredraget til rapportar han meinte underbyggjer kravet frå saksøkjar, i tillegg til ei restkontrolliste som viser kva saksøkjar meiner dei ulike abonnentane er skuldig.
