Stor dag for små gjetarar
Grusvegen frå grinda og opp i bakkane ved sida av Tongahuset i Etne er berre ein einaste stor saueflokk, med ein god gjeng gjetarar på slep. Ein høyrer breking overalt, og på nokre steinar utanfor gjerdet står tre små hjelparar. Det er syskebarna Aksel Rygg-Grumheden (5), Sara Rygg Haugen (2) og Ludvig Rygg-Sørheim (7). Dei har ikkje vore med på sauesankinga oppe i fjellet, men skal følgje sauene det siste stykket ned til innhegninga der dei skal bli skilt ut etter kva for ein gard dei tilhøyrer.
Det er andre sundag i september og den store sankedagen i det store beitelaget i Etne. Nede i bakkane er det mange som står klare med stokkar og gjerde for å lose sauene rett veg. Det er folk i alle aldrar — frå små ungar og opp til pensjonistalder. Alle er med og bidrar. Det er trass i alt ikkje berre-berre når det kjem nesten 600 sauer springande i flokk.
Eit lite lam
