Statskog deler ut million til friluftsaktivitetar

Statskog deler årleg ut ein million kroner til små og store friluftslivstiltak landet rundt. Søknadsvindauget er ope ut april, går det fram av Statskogs nettsider.

Statskogmillionen tildeler støtte på fem eller ti tusen kroner. Ordninga er dermed spesielt tilpassa mange av dei mindre prosjekta som frivillige jobbar med. Nokre tusen kroner kan ofte gi store resultat i kombinasjon med dugnadsånd.

– Vi er opne for både tradisjonelle og utradisjonelle tiltak for friluftslivet. Søknadsprosessen er ubyråkratisk og enkel, seier kommunikasjonssjef i Statskog, Trond Gunnar Skillingstad.