Statnett tildeler første kontrakt med CO2-prising på Haugalandet

Kontrakten har ein verdi på rundt 310 millionar kroner og arbeidet startar opp i haust.

Blåfalli-Gismarvik er den nye kraftleidninga som skal byggast mellom Kvinnherad og Tysvær. Forbindelsen inngår i trinn to i Statnett sin områdeplan for Bergensområdet og Haugalandet. Når forbindelsen står ferdig legg den til rette for ei auka og sikrare straumforsyning til Haugalandet, elektrifisering for å nå klimamål og for å bidra til å etablera nye arbeidsplassar i regionen.

— Me er glade for at Romarheim Entreprenør skal utføre grunn- og byggearbeidet på dei to stasjonane i Blåfalli-Gismarvik prosjektet. Romarheim Entreprenør leverte det beste tilbodet der kvalitet, pris og klimagassbudsjett har vore vurdert. Me ser fram til å ta i bruk CO2-prising for første gong, seier Kari Eika, som er prosjektleiar i Statnett.