Konsernsjef Birgitte Ringstad Vartdal fortset som konsernsjef i Statkraft når selskapet endrar i konsernleiinga frå nyttår. Samtidig vil selskapet selje seg ut av Nederland, Kroatia og India, og prioritere investeringar i norsk vasskraft og vekse i solenergi, vindkraft og batterilagring i Norden, Europa og Sør-Amerika.
Foto: Lise Åserud / NTB / NPK
Statkraft sel seg ut i fleire land – endrar konsernleiing
Sala er eit ledd i ein endra strategi der selskapet vil konsentrere seg om framtidige investeringar i færre land for å byggje skala, auke konkurranseevna og styrkje verdiskapinga, heiter det i ei pressemelding.
Som eit ledd til å bidra til ei nullutsleppsframtid ønskjer selskapet å prioritere investeringar i norsk vasskraft og vekse i solenergi, vindkraft og batterilagring i Norden, Europa og Sør-Amerika, og også å satse meir på havvind i Nord-Europa.
Statkraft sel derfor verksemda si innan landbasert vind, solenergi og batteri i Nederland og Kroatia, og vil etter kvart også selje seg ut av vasskraft og solenergi i India.
