Her er Ekspressen» på prøvetur i Italia i 1961. Av omsyn til ein annan båt som har det gamle namnet, vil båten nå heita Dsd Ekspressen».
Foto: Stiftinga Dsd Ekspressen
Smekker italienar snart tilbake
For 62 år sidan vart det sjøsett ein sjarmerande liten hydrofoilbåt i byen Messina på Sicilia. Etter litt komplikasjonar kjøpte Det Stavangerske Dampskibsselskap (DSD) båten. Båten revolusjonerte reisetidene for folk i Ryfylke, men gjekk sin siste tur Stavanger-Sandeid i 1975. Til Stavanger sitt byjubileum i 2025 skal båten vera ferdig restaurert.
DSD hadde i 1960 fått levert hydrofoilbåten Vingtor», og nesten identiske Sleipner» var under bygging ved verftet i Messina. Ein mindre hydrofoilbåt som var under bygging som lastebåt, var kontrahert av ein mafiaboss. Han hamna i fengsel, så det blei sett inn passasjerseter i lasterommet og DSD kjøpte sin tredje hydrofoilbåt i 1961.
Etter kun rundt 14 år i teneste blei Ekspressen» nokre år reservebåt, før båten fekk eit liv som husbåt i Sarpsborg og seinare Arendal.
Då båten var ny seilte den både i Sandeid- og Saudaruta. Dei siste åra berre i Sandeid-ruta, men då to gonger dagleg med ein tur til Jørpeland midt på dagen.
