Snart slepp du å måle straumforbruket ditt sjølv.
FOTO: TORSTEIN NYMOEN
Slutt på straumavlesing
Nettselskapa Etne El-lag, Skånevik Ølen Kraftlag og Haugaland Kraft er med i det såkalla SORIA-samarbeidet som no har inngått avtale om kjøp av kommunikasjonsutstyr og automatiske straummålarar til over 700.000 kundar.
Avtalen som SORIA er gjort med koreanske Nuri Telecom, har ein verdi på rundt 600 millionar kroner. Samtidig er det gjort avtalar om montasje med verksemdene Eitel Networks AS, Ringerike-Kraft Service AS og OneCo Technologies for 800 millionar kroner.
— Resultatet er ei framtidsretta og fleksibel løysing som kjem kundane, nettselskapa og samfunnet til gode, seier programsjef Hans Terje Ylvisåker i SORIA i ei pressemelding.
