Slo sin eigen rekord med 20 sekundar

Under store paraplyar eller godt pakka inn i regnklede stod publikum spent å venta på fellesstarten på årets Langs Åkrafjorden-løp. Med ujamne mellomrom dundra høljeregnet laus, og vinden tok godt tak i paraplyane. Likevel var det gode forhold å springa i, meiner Maryna Novik som deltok i sitt trettande Langs Åkrafjorden.

— Eg synest det var gode forhold i dag, men kroppen spelte ikkje heilt på lag. Eg har vore litt småpjusk den siste veka, og beina var tunge. Så eg visste allereie før løpet av dette kom til å bli tungt, seier vikedalsbuen, som legg til at ho hadde håpa på ei tid under 40 minutt.

Det heldt akkurat ikkje, for etter elleve seige kilometer sprang Novik i mål på tida 40.10, elleve fattige sekund under personleg mål.