Sleppte småharar i skogen

På ein liten grøn grasflekk langt oppi lia ein halvtimes spasertur frå Stokkadalsvatnet i Vats set fem små hareungar trygt plassert i eit lite bur. Dei har reist heile vegen frå Flekkefjord der dei såg dagens lys for første gong for seks veker sidan, og nå er dei klar til å ta fatt på sitt nye liv i Stokkadalen. Lite anar dei små hareungane at vegen ut i det fri skal bli dagens høgdepunkt for ein flokk nysgjerrige leirdeltakarar som har tatt turen til fjells for å få med seg den uvanlege hendinga.

— Kan me gå heilt bort til dei, lurer ungane og stiller seg ved sida av buret.

Når alle har fått høve til ein kikk er tida inne for å opna døra mot fridomen, og la hareungane ta sine første hopp ut i den store verda.