"Nå holder det, mobbing vil vi ikke ha av noen. Å nå er det mobbing og sjikanering. Bjørnar fortjener ikke dette!", skriv Vigdis Madssen til dette bilete på Facebook-profilen hennar. Bilete er av ho og Rødt-leiar Bjørnar Moxnes, og er lånt med løyve frå Vigdis Madssen.
Slår ring rundt Moxnes
Tysdag ettermiddag var det fleire Rødt-støttespelarar som lasta opp profilbilete saman med Rødt-leiar Bjørnar Moxnes på Facebook. Blant desse var Vigdis Madssen, som er 1. kandidaten for Rødt Etne.
— Etter at eg gjorde dette, tok VG tok kontakt og lurte på kvifor eg gjorde dette. Eg forklarte at det er for å vise støtte til Moxnes. Eg er både lei meg og skuffa over det han har gjort, men no synest eg hetsen i pressa og på sosiale medium har gått for langt, seier Madssen til Grannar.
Saka starta med at Moxnes blei teken for tjuveri av Hugo Boss-briller i ein tax free-butikk ved Oslo lufthamn. Saka blei offentleg kjend då Romerikes Blad omtalte saka den 30. juni.
