Saloon-gjest fekk påvist korona

Den populære utestaden i Etne hadde godt med gjester laurdag som var ute og kosa seg i hyggeleg lag og til god musikk av det lokale bandet Makalaust. Kvelden etter fekk Aslaug Mala
ein telefon frå smittevernlegen i Etne, Elisabeth Winterthun Selland, om at ein av gjestene dagen hadde etter testa positivt for covid-19, opplyser Saloonen i ei pressemelding.

Vedkommande hadde kome seint og hadde site ved eitt bord og ikkje vore på dansegolvet. Personen var ikkje smitta i Etne.

— Smittevernlegen seier at det ikkje er nokon dramatikk i dette. Saloonen har følgd gjeldande koronareglar, med mellom anna registrering av gjestene og rikeleg med antibac i lokala. Kommunen har fått registreringslista for laurdag/søndag og me har sendt meldingar til dei me har oversikt over. Men for å nå alle, sender me denne meldinga, skriv Aslaug Mala.