Dei siste sju dagane er det i snitt registrert 354 koronasmitta per dag. Tilsvarande snitt for sju dagar sidan låg på 414, så trenden er søkkande.
Ved midnatt natt til fredag var det utført 5,4 millionar koronatestar her i landet sidan februar i fjor. I alt har 120.797 personar testa positivt.
Til no har 1.590.325 personar har fått første dose av koronavaksinen, og 680.899 personar har fått andre dose.
Torsdag var 99 koronapasientar innlagde på sjukehus. Det var elleve færre enn dagen før.
Til saman er 781 koronasmitta personar døde i Noreg sidan mars 2020, viser førebelse tal. 58,6 prosent av alle døde har fylt 80 år. I aldersgruppa under 50 år er det meldt om 17 dødsfall i Noreg.
Oslo
Det er registrert 109 nye koronasmitta personar i Oslo siste døgn. Det er 59 fleire enn same dag førre veke.
Dei siste to vekene har det i snitt vorte registrert 78 smitta per dag i hovudstaden.
Smittetala er høgast på Søndre Nordstrand. Der ligg smittetrykket på 355 smitta per 100.000 innbyggjarar dei siste to vekene, og siste døgn er det registrert 22 nye smitta i bydelen.
Etter det følgjer bydelane Stovner med 219 og Grünerløkka med 199.
Ullern bydel har for tida dei lågaste smittetala. Der er smittetrykket på 98 smitta per 100.000 innbyggjarar dei siste to vekene, og det vart registrert to nye smitta i bydelen siste døgn.
Totalt er 35.434 Oslo-borgarar registrert smitta sidan mars i fjor.
Haugesund
Kommuneoverlege Jostein Helgeland i Haugesund melder fredag morgon om to smitta personar siste døgn. Dette er første tilfelle sidan tidleg i mai då kommunen hadde to smittetilfellle.
