Regjeringa vil styrkje natur og friluftsliv i vindkraftområde

Ei ny forskrift skal sikre at kommunar som er ramma av vindkraft på land får støtte til natur- og friluftstiltak.

Frå 1. oktober trer ei ny forskrift i kraft som skal sikre meir føreseieleg støtte til natur og friluftsliv i kommunar med vindkraftverk på land. Ordninga skal bidra til at natur blir reetablert eller får betre vilkår, og at friluftslivsmoglegheiter blir betra i desse kommunane.

– Når vi byggjer ut vindkraft, må vi samtidig ta vare på natur og friluftsliv. Med denne ordninga sørgjer vi for at lokalsamfunn får støtte til å ta vare på naturen, og vi styrkjer friluftslivstilbodet, seier klima- og miljøminister Andreas Bjelland Eriksen i ei pressemelding.