Regjeringa set av 114 millionar kroner til fosterheimsløft – fosterforeldre får tenestepensjon

– Dette betyr enormt mykje for rekrutteringa av fosterheimar, seier Kjell Kirkeng til NTB.

Han har vore fosterfar gjennom 20 år, men har vore varsam med å tilrå det til andre. I dag er det nemleg sånn at folk som blir frikjøpte frå jobb for å vere fosterforeldre, ikkje tener opp pensjon.

– Mange har vorte skuffa og lei seg når dei finn ut av det, og det gjer gjerne at dei ikkje vil tilrå andre å bli fosterforeldre, seier han.