Rår folk til å bruka munnbind

Den uoversiktlege smittesituasjonen på Haugalandet og nytt smitteutbrot i Vindafjord har fått varsellampane til å blinka raudt ved Etne senter. Alle som tek turen innom blir nå bedne om å bruk munnbind, halda god avstand og vera nøye med handhygiene.

— Me er uroa på grunn av smitten. I helger og feriar har me besøk av mange tilreisande som blant anna skal på hyttene sine, og derfor er det viktig for oss at me gjer alle dei førebyggande smittetiltaka me kan. Kundane kan nytta seg av munnbind som ligg ved inngangspartiet på senteret og i inngangspartiet til kvar enkelt butikk. Ved å bruka munnbind kan ein unngå å bli smitta samstundes som ein hindrar spreiing, seier senterleiar Ester Osvåg.

Ho håpar tiltaka kan vera med på å redusera risiko for spreiing av den meir smittsame virusvarianten som har festa grepet på Haugalandet.