Q Matredderpris til Larsen Bakeri

Matredding står høgt på agendaen til Q-Meieriene, og eit viktig ønsker er å bidra til auka kunnskap og inspirasjon i kampen mot matsvinn. I 2017 introduserte Q-Meieriene tilleggsmerkinga Best før, men ikke dårlig etter» på sine produkt – noko som inspirerte fleire andre matleverandørar å følgja etter. Sidan 2018 har Q-Meieriene derfor delt ut over 30 Q Matredderpris» til privatpersonar, organisasjonar og andre som gjer ein ekstra innsats for matredding. Prisen blir delt ut annakvar månad, og alle prisvinnarane gjennom året er nominert til å få sjølve heidersprisen: Årets matredder» under Q Matredderdagen 5. juni 2024.
Måndag opplyser Q-Meieriene i ei pressemelding at det er ei stor glede å tildela Larsen Bakeri Q Matredderpris. Dei bidreg til å redusera matsvinn ved at bakevarene ikkje blir kasta, men heller kjem til nytte. Janne Larsen Sævareid blei svært overraska då ho fekk vite om tildelinga.

— Dette var ei fantastisk overrasking og eg er rett og slett mållaus. Matredding står høgt på agenda hos meg, og dette er noko eg har vidareført frå minfar, som dreiv bakeriet før eg tok over. Me har gjort mykje for å koma dit me er i dag, og me jobbar kvar einaste dag for å redusera matsvinn, seier ho.

Tomt kjøleskap kvar morgon