Pengar til Haukeli-tunnelane

Innafor den statlege investeringsramma for E134 Haugesund – Drammen er det sett av 74 millionar kroner til tunnelprosjekt. Dette er pengar som gir frihøgd på 4,2 meter i Haukeli-, Røldals- og Seljestadtunnelen.
Arbeidet er avslutta, men det står igjen å montera brannsikre PE-skum. I tillegg skal installasjonane for styring og overvaking av Haukeli- og Røldalstunnelen skiftast ut.
I Etne kommune er det von om at Hålandsparsellen, som låg inne som vestre del av Åkrafjordutbygginga, skal koma inn tidleg i Norsk Transportplan (NTP) som blir lagt fram ved årsskiftet.
Til riksvegar utanom stamvegnettet er det for 2009 føreslått 363 millionar i Hordaland. Dette er inkludert 45 millionar til rassikring, utan at det er nemnd kor dette kjem. I tillegg er det lagt til grunn at fylket får til rådvelde 1.963 milliardar i bompengar, tilskott og forskott.