På tur med tilhengjar i påska? Pass deg for desse feila

Fallgruvene er mange i det du koplar ein tilhengjar på familiebilen og legg av garde i påska. Vanlege regelbrot er for tung tilhengjar i forhold til kva bilen er godkjent for å trekkje, overlast eller for høg vogntogvekt i forhold til førarkortklasse.

– Mange kjenner ikkje reglane. Det er nemleg ikkje nok å ha eit førarkort som gjer at du kan trekkje tunge hengjarar på ein lovleg måte, dersom bilen ikkje er godkjend, seier rådgivar i NAF, Jan Harry Svendsen.

Fleire elbilar har til dømes avgrensingar på kor tung tilhengjar du kan trekkje.