Overrasking i postkassen i juli: Endring på faktura for vatn- og avløp

Når dei kommunale gebyra for vatn og avløp dumpar ned i postkassa i juli, vil fleire innbyggjarar i kommunen få seg ei overrasking. Etter ein faktureringsfeil som har strekt seg gjennom heile 2024 og starten av 2025, sender kommunen no ut korrigerte rekningar. For nokre abonnentar betyr det høgare beløp enn vanleg – for andre vil det stå eit pluss i rekneskapen.

Feil faktor førte til feil beløp

Feilen skuldast at Etne kommune ved ein inkurie ikkje har brukt korrekt omrekningsfaktor for stipulert forbruk. Ifølgje forskrifta skal eigedomar utan vassmålar betala gebyr ut frå bruksareal, multiplisert med ein fast faktor: 1,3 for bustader og 0,65 for hytter. Denne faktoren har vore utegløymd i fire fakturaer i 2024 og den første i 2025.