Opplever tøffare tider

Konsernet, som i hovudsak leverer prosjektstyringsverktøy og fagkompetanse til industrien, og som har hovudkontor i Ølensvåg, fekk i 2015 i praksis den same omsetnaden som året før, om lag 1,5 milliard kroner. Men om ein ser berre på morselskapet Omega AS er det eit stort fall i omsetnaden. Frå 1,6 milliardar i 2014 til 982 millionar i fjor. Ein må tilbake til 2011 for å finne lågare omsetnad i selskapet som fram til i fjor har opplevd ein samanhengande opptur.

Konsernrekneskapen viser eit resultat før skatt på 37,2 millionar kroner i fjor. Ned frå 80,7 millionar i 2014.

Morselskapet sitt resultat enda på 27,5 millionar, ned frå 72,5 millionar året før.