Opninga i haust gav eit godt kinoår
No er kinosjef Ingvil Slåke glad for at publikumstalet aukar frå 50 til 200. For førre torsdag kom endeleg meldinga som dei fleste kinosjefar har venta på: Talet på publikum på kino kan auka får 50 til 200.
— Endeleg! Dette var godt nytt. Ikkje nødvendigvis fordi me må seia nei til folk som ønskjer kinobillett, men fordi filmbyråa utset dei premiereklare filmane når det berre er 50 som får sjå filmane i slengen. No når dei aukar til 200, håpar eg at premierane snart kjem på plakaten, seier kinosjefen i Etne.
Så langt ser det ut til at ønsket blir ein realitet, for berre to minutt etter at kulturminister Anette Trettebergstuen (Ap) hadde forkynt si melding, kom push-varselet på at Spider Man: No way home, får premieredato allereie på fredag.
