Frå det nyutbygde hovudkvarteret i Ølensvåg er det gode signal og utsikter til ytterlegare vekst. I 2018 omsette konsernet for vel 1,4 milliardar kroner ein oppgang på heile 17 prosent frå året før. Drifta som inkluderer verksemd både internasjonalt og i Noreg, gav 66 millionar i resultat før skatt mot vel 51 millionar i 2017.
Dagleg leiar Petter Aalvik er svært tilfreds med tala og utsiktene.
— Me brukar nå store ressursar på å utvikla nye system tilpassa den store digitaliseringa i samfunnet, blant anna til skyløysinga Pims 356, ein ny versjon skreddarsydd for bygg og anlegg. Eg har stor tru på at denne satsinga vil gi oss ytterlegare vekst, seier han.I
