Gransnutebiller og klimaendringar, som gir meir tørke, regn og frost, tek knekken på fleire plantar enn før. Opp mot 20 prosent av plantane døyr før dei veks opp.
Foto: Beate Haugtrø / NPK
Nyplanta skog er sårbar for meir ekstremvêr
Gransnutebiller og klimaendringar, som gir meir tørke, regn og frost, tek knekken på fleire skogplantar enn før. Opp mot 20 prosent av plantane døyr før dei veks opp.
– Det er spesielt klimaet, som har endra seg og gjer forholda vanskelegare. Avgangen varierer år til år og stad til stad, og er umogleg å føreseie, seier skogkonsulent for Statskog i Sør- Noreg, Rune Aamold, til NRK.
Statsskog har for første gong sett i gang å telje nøyaktig kor mange gran- og furuplantar som har klart seg. Det er SB Skog som gjer teljejobben for Statskog. Dei har engasjert studentar frå skog- og utmarksfag til å vere ute i felten i Sør- og Innlandet.
