Myr held og lagrar store mengder karbon. Ei kartlegging viser at norske kommunar har planar for utbygging av over 200 kvadratkilometer myrområde.
Foto: Gorm Kallestad / NTB / NPK
Norske kommunar planlegg bygging på til saman 208 kvadratkilometer myr
Ei kartlegging viser at kommunar planlegg bygging av hytter, hus og næringsbygg på eit samla område tilsvarande halve Oslo kommune.
– Eg må seie eg er lamslått og sjokkert. Dette er veldig mykje meir enn det vi trudde, seier generalsekretær Einar Wilhelmsen i miljøorganisasjonen Sabima til Aftenposten.
Norkart har gått gjennom norske kommunars utbyggingsplanar på oppdrag frå Sabima og WWF. Kartlegginga viser at 136 av dei 208 kvadratkilometrane som blir planlagde bygde på myr, skal gå til hyttebygging.
