No kan du tæppe med Vipps i butikken

– Vi trur vippsarar synest det er ein fordel å berre forhalde seg til éin betalingsapp, og endeleg kan dei bruke Vipps i situasjonar dei tidlegare ville brukt plastkortet sitt, seier sjef Rune Garborg i Vipps Mobilepay.

Tidlegare i år inngjekk EU og Apple ein avtale som sikra at andre digitale lommebøker fekk tilgang til Iphone, og Vipps har nytta seg av moglegheita. Det fungerer på alle kortterminalar som aksepterer Bankaxept-kort, som er nesten alle terminalar i Noreg.

Om nokre månader er planen at også Visa- og Mastercard-kort skal kunne bruke Vipps-løysinga, og då kan Vipps-brukarar tæppe i heile verda.