Den nye gang- og sykkelvegen mellom Sandeid kyrkje og Sandeid fengsel skal sikre trygg ferdsel for mjuke trafikantar i Vindafjord.
FOTO: ROGALAND FYLKESKOMMUNE
No er opningsdatoen klar
Rogaland fyleskommune skal opne tre nye vegprosjekt på berre 14 dagar. Eitt av dei er i Sandeid.
Rogaland fylkeskommune har ferdigstilt ein 1760 meter lang gang- og sykkelveg frå Sandeid kyrkje til Sandeid fengsel ved Lærdal. Opninga skjer 6. februar.
Gang- og sykkelvegen går langs sørvestre side av Sandeidvegen og knyter saman området frå Helgelandsvegen ved Sandeid kyrkje til fengselet. Prosjektet er eit samarbeid mellom fylkeskommunen og Vindafjord kommune og er finansiert med fylkeskommunale midlar. Entreprenøren Vats Anlegg har stått for arbeidet.
