Fleire av bilane som i dag blir brukte på norske vegar, burde vore vraka meiner Naf som etterlyser høgare vrakpant.
Foto: Bjørn Sigurdsøn / NTB / NPK
Nesten ein av fire norske bilar er eldre enn 16 år
Norske bilar har i snitt vorte to år eldre sidan tusenårsskiftet. No vil Naf ha høgare vrakpant.
I Noreg var det i 2023 registrert 2.841.502 personbilar. Av desse var 651.633 bilar 16 år eller eldre. Det svarer til 23 prosent av bilparken.
– Dette er ikkje bra for verken trafikktryggleiken eller miljøet, seier Nils Sødal, senior kommunikasjonsrådgivar i Naf.
I 1999 var gjennomsnittsalderen på bilparken i Noreg 9,9 år. I 2023 hadde han auka til 11 år.
